Leis an Urr. IAIN MAC A’ CHOMBAICH, D.D., Lite.
(Air a leantwinn bho t.d 81.)
(3) Tha e na aon Spiorad; tha co-roinn aig de na dearbh bhuaidhean agus oibrichidhean an Spioraid Naoimh agus a tha aig Criosd fein.
Ged a tha eadar-dhealachadh mòr anns an tomhas, gidheach cha’n eil ann an nàdur na’m buaidhean sin. Cha’n ann a reir tomhais a tha’n t-Athair a toirt an Spioraid do’n duine Criosd, ach tha e toirt do gach creidmheach a reir tomhas a chreidimh agus, gidheadh, tha gach seorsa buaidh a bha air an co-roinn ris an Aon mar Eadar-mheadhonair air an co-roinn ris an aon eile mar an ceudna. Tha gach neach a tha air an aonadh ris anns an t-seadh so na’n aon Spiorad ris. Am bheil an Spiorad Naomh a gabhail támh air Criosd an t-Eadar-mheadhonair, mar Spiorad na glóir? Tha e gabhail támh mar sin air gach anam creidmheach. “Tha Spiorad na glóir, agus Dhé a gabhail còmhnuidh oirbh.” (I Pead. iv. 14.) Am bheil e gabhail támh air mar Spiorad gliocais agus tuigse? Tha e air a dheanamh thairis mar sin dhoibh-san uile tha creidsinn. Gu’n tugadh Dia ar Tighearn’ Iosa Criosd, Athair na glòire, spiorad gliceais agus foillseachaidh dhuibh, ann an eolas air-san; sùilean ‘ur n’inntinn a bhi air an soilleireachadh, chùm fios a bhi agaibh ciod e dòchas a ghairm-san, agus ciod e saoibhreas glòir oighreachd-san anns na naoimh.” (Ephes. i. 17, 18.) Am bheil e gabhail còmhnuidh ann an Criosd mar Spiorad comhairle? Mar sin tha e mar an ceudna anns a chreidmheach. “Le’d chomhairle stiùraibh tu mi.” Am bheil e gabhail còmhnuidh air Criosd mar Spiorad eòlais? Tha e gabhail còmhnuidh mar sin air gach ball de chorp diomhair. “Agus cha teagaisg iad gach aon a choimhearsnach, agus gach aon a bhràthair, ag ràdh, Gabh eolas air an Tighearna: oir bithidh eòlas aca uile orm, ‘o ‘n neach is lugha gus an neach as mo dhiubh.” Tha’n Spiorad a gabhail còmhnuidh ann an Criosd mar Spiorad cumhachd, agus uime sin air creidmhich mar Spiorad cumhachd. “Oir cha d’ thug Dia dhuinn spiorad na geilt, ach Spiorad a chumhachd.” Am bheil e gabhail còmhnuidh air Criosd mar Spiorad na beatha? Ann an sin rinn Spiorad na beatha ann an Iosa Criosd na naoimh saor bho lagh a pheacaidh agus a bhàis. Am bheil e gabhail còmhnuidh ann an Iosa mar Spiorad Aoibhneis? Tha e gabhail còmhnuidh mar sin na bhuill uile. “Agus guidhidh mise an t-Athair, agus bheir e dhuibh Comhfurtair eile, chùm gu fan e maille ruibh gu bràth.” Am bheil e gabhail còmhnuidh air Criosd mar Spiorad na firinn? Tha e gabhail còmhnuidh mar sin na sluagh uile. “Ach ‘n uair a thig esan, Spiorad na firinn, treòraichidh e sibh chùm gach uile fhìrinn.” Tha e gabhail còmhnuidh anns an Tighearna Iosa mar Spiorad eagail an Tighearna, agus tha na creidmhich uile ga mhealtainn mar sin. “Agus cuiridh mi m’eagal ‘n an cridhe, chum nach dealaich iad rium.” Am bheil e gabhail còmhnuidh ann an Criosd mar Spiorad gràis? An sin, a’ mach as a lànachd gheibh creidmhich gràs air son gràis. Am bheil e gabhail còmhnuidh ann an Criosd mar Spiorad na naomhachd? Tha e gabhail còmhnuidh mar sin ann an cridhe gach creidmheach, ga dheanamh naomh ann an co-chòrdadh ri iomaigh-san, mar an ceud-ghin am measg mhòran bhràithrean. Ged a tha an Spiorad beannaicht’ a tighinn a mach bho’n a Mhac mar Dhia, gidheadh tha e air a cho-roinn ris, mar Eadar-mheadhonair agus mar dhuine, agus ris gach ball dhe chorp diomhair.
(R’a leantuinm.)